Mester atende doño di Livoni Agencies ku man duru !

WILLEMSTAD – Ministerio di GMN i MEO mester uni forsa i atende ku man duru kontra di proprietario di Livoni Agencies, e empresa na unda siman pasa a konfiska mas ku 30 kilo di komestibel kaduká. Segun Parlamentario Gerard (PNP) e hecho ku no ta promé biá a detektá iregularidat na e empresa, pero ku e ta keda ripiti esaki, ta pone ku mester atendé fuertemente kune.
Segun Gerard, enberdat a konfiska e merkansia kaduká, na e adres di Livoni Agencies na Kapiteinsweg, pero no ta konosi kon plama e merkansia kaduka ta den nos komunidat. E chens ta grandi segun Gerard, ku e produktonan a resulta den lokalidatnan ku ta bende nan ku pueblo i formando asina un peliger pa nos salú públiko. Ademas mester bira konosi kon investigashon dje kaso aki ta kontinua, segun e parlamentario.
Elvin Gerard ta boga pa bin klaridat na unda Livoni Agencies a entrega e merkansia kaduká i hasi un inval na e instansianan ei tambe.
‘’E situashon ta keda un menasa pa nos salubirdat’’, Gerard a enfatisá.
Gerard ta kritika tambe fuertemente e hendenan ku a proponé pa duna hende di menos rekurso e komestibel kaduká, enbes di de