Internashonal
Merka ta respetá ku Gustavo Petro kier a restourá relashon ku Maduro
BOGOTA – Armando Benedetti a keda asigná pa e atministrashon di Gustavo Petro komo embahador Colombiano nobo na Venezuela.
Esaki ta nifiká ku tin kòmbersashonnan ta tumando luga kaba entre presidentenan Nicolas Maduro i Gustavo Petro pa drecha relashon diplomátiko i komersial.
Ta bai hasi eksaktamente 16 aña ku e relashon diplomatiko i komersial entre Colombia/Venezuela
no ta manera mester ta.
Antony Blinken sekretario di estado merikano a bisa ku nan ta haña ku e relashon diplomatiko i komersial entre Colombia i Venezuela mester drecha pa asina evitá enemistat entre ámbos pais bisiña.
Gustavo Petro na su banda a deklará ku su intenshon ta pa atendé ku tur e problemanan na un sistema kordiná pa evitá ku den futuro e relashon entre ámbos pais por bolbe daña.
Den e kaso aki Gustavo Petro a sali splika ku e no tin nada di kombersá ku Juan Guaido debí ku e no ta presidente di Venezuela ta Nicolas Maduro.