Internashonal
Merka lo bolbe yuda Ukrania ku $400 mion na munishon i 200 generator
WASHINGTON – Antony Blinken sekretario di estado merikano a konfirmá ku pa fin di e siman aki mes Merka lo bai manda 200 generator i vários kònteiner ku munishon ku lo keda balorá na $400 mion.
For di 24 di Febrüari pa aktualidat ku Rusia a kuminsá ataka gobiernu merikano a yuda Ukrania ku $19.000 mion.
Antony Blinken a bisa ku gran parti di e pakete ku Kongreso a aprobá a bai na armamentu pa e Ukraniano nan por tin mihó defensa.
Den e kaso aki pa e armamentunan i generatornan keda entrega mas lihé ku ta posibel esaki a bai via òrdu di presidente Joe Biden.