Merka i Rusia ta negoshando pa liberá trafikante di arma Ruso den un interkambio

WAHINGTON – Alexander Darchiev direktor di departamento di Ministerio di Eksterior na Rusia a konfirmá ayera ku tin un negoshashon andando pa liberá e trafikante di arma Ruso a kambio di dos presu merikano.
E interkambio aki ta pa manda Viktor Bout Rusia i asina por liberá Brittney Griner i e eks sòldá merikano Paul Whelan ku nan tambe por bai Merka bek.
Alexander Darchiev a splika ku gobiernu merikano a hasi vários oferta pa e interkambio aki tuma luga i awor nan tambe ta tumando akshon.
Viktor Bout ta amigu di Vladimir Putin a keda detené na Tailandia na aña 2008 i kondena na Merka na 2011.
E trafikante di arma Ruso aki ta kumpliendo un kondena di prizon di 25 aña na Merka.
Ta spera ku e interkambio aki lo por tuma luga e aña aki mes pa asina familiarnan di e dos merikanonan ku ta sera na Rusia lo por keda mas trankil.