Merka, Fransia, Alemania i Inglatera: Ta eksigí pa Iran para ku produkshon di armanan nuklear

WASHINGTON – Antony Blinken sekretario di estado merikano a konfirmá ku tin un desaroyo ekstraordinario na Iran pa lokual ta produkshon den fabrikashon di armanan nuklear.
Durante un periodo relativamente kòrtiku e régimen Irania a práktikamente dupliká produkshon di armamentunan nuklear segun Anthony Blinken.
Ta pesei paisnan manera Merka, Fransia, Alemania i Inglatera ta eksigiendo di e régimen di Iran pa detené
ku e eskalada nuklear di armamentunan aki.
Antony Blinken a bisa ku nan ta tratando pa yega na e Plan di JCPOA (Joint Comprehensive Plan of Action ) pa asina trata na yega na mesa di diálogo ku Iran.