Merka a sanshoná Rusia pa lokual nan a hasi ku Alexei Navalny

WASHINGTON – E atministrashon di Joe Biden lo no tolerá ningun tipo di inhustisia i ta para firme tras di su sosionan di Union Europeo pa sanshoná e régimen di Putin ku a laga enkarselá Alexei Navalny inhustamente.

Servisio di Inteligensia merikano tin detayenan di un investigashon hasi ku Putin a ordená un agente Ruso venená Alexei Navalny ku un tipo di venenu ku yama Novichok.

Riba esaki ta kondena e lider di oposishon Alexei Navalny na 3 aña i mei inhustamente ku e preteksto ku ela trata na hui sali for di pais kaminda e mester a reportá na polis dos biaha pa siman.

Ta p’esei Merka i Union Europeo a pone sanshonnan fuerte kontra Rusia pa asina pone preshon riba Putin pa liberá Alexei Navalny di inmediato.

Ta trata aki di promé sanshon imponé pa e atministrashon di Joe Biden riba Rusia ku apénas a asumí poder dia 20 di yanüari último.

Joe Biden a deklará durante un rueda di prensa ku lokual a pasa aki ta ku Merka ta manda un señal pa Rusia ku tin konsekuensia pa e uso di armanan kímiko.