Merka a nombra: Eksperto den inmigrashon pa ta na kabes embahada na Cuba

WASHINGTON – Atministrashon di Biden a asigná un eksperto den inmigrashon pa dirigí embahada di Merka na Cuba.
Ta trata aki di un diplomatiko ku bastante eksperensia ku yama Benjamin Ziff ku su último funshon tabata direktor regional di Amérika Latina pa departamento di estado merikano.
Benjamin Ziff a biaha kaba pa Cuba pa atendé ku su funshon nobo komo diplomatiko pa asina atendé ku e problemanan serio ku tin aktualmente.
E problemanan serio ku tin aktualmente na Cuba ta ku un gran kantidat di Cubano ta huyendo diariamente for di e isla di un forma peligroso den boto nan chikí pa di un forma of otro yega Miami.
Un gran kantidat di e Cubanonan aki no ta yega Miami of otro partinan di Florida bibu.
Pa algun tempu kaba gobiernu merikano a imponé bastante sanshon kontra Cuba i ku lokual ta pasando
aki ta pone ku diariamente tin black out i pa lokual ta suministro di alimento tambe tin un problema serio.
Benjamin Ziff konosé e isla di Cuba bon i lo bai hasi
su máksimo esfuerso pa atendé ku e problema pa yuda solushoná e situashon.