Merka a gana di Iran ku skor mínimo di 1-0

DOHA (C) – Ayera ta tin e partido entre Merka i e ekipo di Iran.
Tabata un partido kual Iran ku un empate lo a gana i pasa pa di dos puesto.
Merka ta tin e deber di mester a gana pa por a pasa i tuma e di dos puesto.
Tur hende sa ku Merka i Iran ta enemigu grandi di otro.
Pero riba vèlt i tambe den tribuna bo no ta nota nada di esaki.
Pero mas bien fanatikonan di e dos selekshonnan tabata papia i hari ku otro i mama gai di otro.
Hasta nan ta saka potrèt ku otro.
Algu remarkabel ta ku hungadónan di Iran e biaha aki si a hasi komosifuera nan ta kanta e himno di nan pais.
For di biaha pasa kaba nan a demostrá nan malkontentu ku e gobiernu di e pais.
Den e partido mes Iran a sali hunga hopi defensivo.
E ekipo di Merka sigur ta dominá e promé tempu i tambe ta tin e mihó chènsnan.
Sigur 2 oportunidatnan klave pa Merka ku nan a benta afo.
Ku tur e chènsnan ku nan a desperdisia a pone ku e wega a bai sosegá sin gol.
E ekipo di Iran no por a sali for di e gara i atakenan di e ekipo merikano.
Den di dos tempu Iran a kuminsá hasi nan kambionan p’asina defendé i trata na hinka gol pa medio di kontra gòlpi.
Merka a bai dilanti i den e parti final a bai mesora den defensa.
Kansansio tambe a kuminsá manifestá su mes
Iran kende ta tin mester di un gol pa empatá p’asina nan sigi pa otro buèlta ta preshoná i ataka.
E defensa di Merka a keda bringa i wanta ku alma i kurpa i asina a gana ku skor di 1-0.