Maxwell kulpabel di delitonan seksual a pidi klemensia hustisia di Merka

NEW YORK – Ghislaine Maxwell ku lo bai tende su sentensia dia 28 di yüni próksimo relashoná ku e kaso di delitonan seksual huntu ku su amigu Jeffrey Epstein a pidi hustisia klemensia pa lokual ela hasi.
Ghislaine Maxwell a atmití ku ela kumpli ku deseonan seksual di su bon amigu Jeffrey Epstein i ku awor elo tin ku bai paga pa tur lokual ela hasi ku kastigu di prizon.
Abogado di Ghislaine Maxwell a entrega wes di korte na Manhattan un karta kaminda ela relatá tur lokual ela hasi robes i ku ta pidi klemensia na hustisia merikano.
Bobbi Sternheim abogado ku ta representá Ghislaine Maxwell a bisa ku su kliente ta realmente arepentí di tur lokual ela hasi
Merrick Garland fiskal general ku ta atendiendo ku e kaso di aki a pidi 20 aña di kastigu di prizon pa Ghislaine Maxwell.
Esaki ta realmente duru konsiderando ku Ghislaine Maxwell ta un muhé ku Semper a biba den luho estilo Jet Set i awor tin ku bai pasa 20 aña tras di trali.