Matrimonio entre parehanan di mesun un sekso

WILLEMSTAD. E veredikto den Korte luna pasa a trese hopi emoshon ku’ne den kual a forma dos grupo ku tur dos tin un opinion fuerte tokante e verdedikto i kiko esaki kiermen pa komunidat di Kòrsou.
E sistema aki no tabata duna espasio pa realmente papia, no debati, tokante e tema aki.
E meta di e anochi tabata pa yega na un formulashon ku ta forma e fundeshi pa por siguí dialogá riba dje i hiba un kòmbersashon riba tal nivel teniendo kuenta ku tur e faktornan i gruponan di interes.
PAR ta kere ku mester tin rèspèt pa kada un hende no opstante diferensia di opinion.
Nan invitadonan pa e anochi tabata Melissa Vasquez; abogado sivil i Marlon Winedt; teologo i linguista.
Huntu nan dos a informá i a respondé diferente pregunta i toka diferente puntonan ku ta di interes pa ku e tema aki. Preguntanan ku enfoke riba e parti hurídiko i e parti religioso.
E tabata un evento hopi interesante i esnan ku a atendé a bin ku diferente pregunta i opinion riba kual por a sigui dialogá.