Masakre na skol na Texas: Studiante a mata 19 alumno i 2 adulto den e tiroteo

TEXAS – Na momentu ku mayornan ta bai baha nan yunan na skol nan ta pensa riba seguridat ku nada lo no pasa.
Pero den e kaso aki mayoria biaha skolnan na Merka ta manera hunga “Ruleta rusa” ya ku no tin garantia mas riba seguridat di bida di e studiantenan.
Esaki ta lokual a pasa ayera na Robb Elementary School na Uvalde Texas kaminda un studiante di mesun skol a lanta loko i a kometé un masakre.
Tom Nordwick direktor di kuerpo polisial na Uvalde Texas a konfirmá ku e asesino identifiká komo Salvador Ramos a tira su wela mata i bati retirada.
Polis tabata persigi Salvador Ramos promé ku ela bai e skol pa kometé e masakre na Robb Elementary School.
Nòmber di e sospechoso a keda identifiká komo Salvador Ramos ku ta desendiente di famia Mexicano ku tin años ta biba na Uvalde, Texas.
E parti mas tristu di e kaso aki ta ku un total di 19 mucha di entre 10 pa 12 aña a fayesé i dos adulto.
Greg Abbot gobernador di Texas a manda palabranan di kondolensia pa famia di e defuntunan.