Mas ku 600 hende a asisti….. Entiero impresionante pa famia (3) Kurasoleño

SPIJKENISSE. Antayera sentenares di famia, amigu i konosí dje mama, tata i yu muhé di 7 aña Kurasoleño ku riba di dos dia di Pasku di Nasementu a pèrdè nan bida den un aksidente di trafiko na horibel na Rotterdam kaminda e famia tabata biba.
E famia tabata konsisti di Rinold Curiel (35), Michelle Lala (36) i nan yu Rinaigela di 7 aña.
Dilanti di e agensia funeraria na Spijkenisse tabatin un laman di flor i outoridatnan a kalkulá ku tabatin por lo menos 600 hende presente à tuma despedida. E publiko tabata asina tantu ku no tabatin lugá pa tur hende den e sala i ounke oro hendenan por a sigi e seremonia funebre riba pantaya di televishon, pafó tambe tabatin hopi hende sperando ku pasenshi pa proseshon funebre a kuminsa pa hiba e famia nan ultimo lugá di deskanso. Sentenares di Kurasoleño i konosí dje pareha a sigi e seremonia via video. I asina mes no ta tur famia i konosí por a asisti ne entiero pasobra hopi di nan ta bibana Kòrsou. Durante e despedida organisadónan dje despedida a toka musika di Bob Marley i hiphop alegre. I manera periodistanan hulandes ku a bai kubri e entiero a komentá, kaminda bo bira por a tende hende ta papia Papiamentu. Direktor dje skol kaminda e hobensita tabata studiante a tene un diskurso i a opservá ku falta un stul den grupo 4 i falta un studiante pa semper.
Nan lo sinti falta di su sonrisa i harimentu alegre. Segidamente bu di akompañamentu di brassband a pone e tres kahanan riba un féretro mobil pa santana kaminda publiko presente a forma un guardia di honor promé ku e entiero.
KULPABEL (28)
TA KEDA ARESTÁ
E shofur di 28 aña tambe Kurasoleño ku ta biba na Den Haag i ku a kousa e aksidente fatal riba Groene Kruisweg na Rotterdam-Zuid ta keda detené pa por lo menos 90 dia mas.
Investigashon a mustra ku e tabaata kore ku velosidat haltu i a ‘kome’ e lus kòrá, ku ela usa droga i tabata bou di influensia di alkohol.
E tambe a resultá basta serio leshoná i ta rekuperando den hospital.

PREGUNTA KARDINAL
Awor ku e impakto emoshonal a baha poko, hopi Kurasoleño i partikularmente amigu i konosí dje pareha i nan yu, ta puntra ki kastigu Hustisia lo apliká den e kaso aki.