Mark Rutte a bira e promé minister di Hulanda ku mas aña na e kargo

AMSTERDAM – Mark Rutte a marka historia ayera den bira e promé minister hulandes ku más aña na e kargo.
Mark Rutte (55) ta lider di partido VVD i naturalmente durante último 13 aña nan ku a pasa a bin pèrdè algu di su popularidat.
Pero asina mes partido VVD ku Mark Rutte komo lider ta keda esun di mas grandi ainda na Hulanda.
Mark Rutte pa promé biaha a bira promé minister di Hulanda na luna di Òktober di aña 2010.
Esaki ta nifiká ku Mark Rutte a keda na e kargo di promé minister di Hulanda durante 4.311 dia ku ta aproksimadamente 13 aña.
Den un entrevista Mark Rutte a bisa ku e tin e mihó trabou di mundu i ku e ta spera di keda den polítika pa hopi aña mas.
Durante e periodo di gobernashon di Mark Rutte ela hañe den bastante eskandalo pero a sòru di koregí su erornan poniendo ku Hulanda awor tin un di e ekonomianan di mas fuerte den kontinente Europeo.