Mario Draghi a pèrdè mayoria na Italia: Miembro di koalishon den parlamento a konfirmá kaida di gobièrnu

ROMA – Mario Draghi promé minister di Italia a pèrdè mayoria di apoyo di koalishon den parlamento ku ta nifiká ku esaki lo bira imposibel pa sigi goberná.
Sosionan di koalishon ku ta Forza Italia di Silvio Berlusconi i Lega Salvani di Matteo Salvini a disidí
na kita nan apoyo for di e gobièrnu di Mario Draghi.
Di un total di 320 asiento ku Mario Draghi tabata por a konta kuné den Parlamento ela keda ku solamente 95 voto na fabor i 38 kontra di kual gran mayoria no a vota mes.
Sergio Mattarella presidente di Italia for di siman pasa no a aseptá renunsia di Mario Draghi pero awor no tin otro opshon debí ku e gobièrnu a pèrdè sosten di mayoria den parlamento.
Esaki lo nifiká lo ta bai tin elekshon antisipá pa bolbe skohe un promé minister nobo na Italia.
E problema ku tin den e gobièrnu aktual ta ku Berlusconi i Salvini tabata buta preshon riba Mario Draghi pa ekskluí partido M5g i e promé minister no tabata dispuesto pa hasi esaki.