Marina ulandes a tira kontrabandista di droga venezolano mata riba laman

WILLEMSTAD. Un dia un desgrasia asina’ki mester a pasa i ayera a toka na un kontrabandista di droga venezolano di a pèrdè su bida durante un operashon di kontrabanda di droga riba laman. E sharpshooter militar a tira kontrabandista durante ku tripulantenan di un go fast a purba kore bai laga e barku di Marina Real Zr. Ms. Groningen ora ku e trafikante no a hasi kaso dje tirunan di atvertensia ku a tira riba e boto di kontrabanda. Apesar ku e kontrabandistanan a purba tira e sakunan ku droga den laman, nan no a logra kompletamente i ela muri aksidentalmente den su intento pa skapa e droga.
Asina mes tripulantenan di e barku Zr.Ms. Groningen a sigi tira droga na laman durnate e tirunan i atvertensia.
Ministerio di Defensa ulandes ta enkargá ku e investigashon di reshershe. E prosedura den kaso ku un barku di Marina Real a baha un boto di intersepshon riba laman pasobra nan a lokalisá un go fast di kontraband ku personal armá nan ta lòs tiru di atvertensia promé si e kontrabandistanan no ke para i tin biaha nan ta lansa un helikopter pa persigi nan. Den e kaso aki e pakinan di kokaina ku nan a tira na laman a bai pèrdí pero asina mes e mariniernan a piska mas ku 1.620 kilo di kokaina. E mariniernan a entregá e difuntu i e droga na polis di Kòrsou ku ta hasi e investigashon.