Manifestantenan na Bagdad a drenta edifisio di Parlamento

BAGDAD – Medionan di komunikashon na Irak a informá ku manifestantenan furioso na Bagdad a logra drenta den edifisio di Parlamento.
Tin informashon ku e manifestantenan aki lo no bandoná e edifisio di parlamento te na momentu ku e gobiernu promé Minister Mustafa al-Kadhimi entrega poder i anunsia fecha di elekshon nobo.
Elekshon parlamentario na Irak tabata na òktober di aña pasa i te ainda Mustafa al-Kadhimi no a logra goberná e pais manera a keda primintí den nan kampaña.
Moqtada Al Sadr su simpatisadónan a drenta sede di parlamento for di den fin di siman pasa.
Nan tin komo kondishon pa laga nan lider goberná i kore ku tur e politikonan korupto liga ku Mustafa al-Kadhimi.