Deporte
Manager Yuretti a informá e hungadónan: J’Dah no ta bai ku selekshon !!
• Deporte 5 Star a komprondé ayera di un sòftbolista di selekshon di sòftbòl femenino fastpitch ku ta preparando pa bai Guatemala den eliminatorio Panamerikano ku manager di e selekshon Sra. Yuretti Poulo a informá na nan ku e estrea máksimo di nos sòftbòl femenino fastpitch ku ta J’Dah Girigorie lo no bai ku selekshon mas.
J’Dah no tabata presentá na training, i riba e pregunta pa e hóben estrea e manager a rekonosé ku J’Dah Girigorie lo no ta ku selekshon. El a rekonosé ku nan ta hasiendo tramite pa mira si nan lo por haña ayudo di picheo for di Hulanda. Sin duda e notisia aki ta un sla duru pa nos selekshon pasó J’Dah ta nos estrea di sòftbòl i e hungadó klave di nos selekshon den kaso ku nos tin aspirashon pa yega leu den e kompetensia klasifikatorio regional.