Mama i yu muhé akusá di kometé froude ku seguro médiko balorá na mas ku $ 12 mion

MIAMI – Un mama i su yu muhé a keda akusá di soborno i froude di mas ku $ 12 mion pa falsifiká dokumentonan den e sistema di (Medicare) Seguro Médiko na Miami.
E dos hendenan ku a keda akusá a keda identifiká komo Mirosis González (58) i su yu muhé Berioska Sosa (32). Mirosis González i Berioska Sosa ámbos a keda akusá pa un hurado federal di paga soborno a kambio di referensia di benefisiarionan di Medicare na nan botikanan.
E dos hendenan aki a kometé e froude mionario aki den e programa federal di kobertura médiko.
González i Sosa ta doño di Aviva Care Pharmacy na Sunrise i segun investigashon a froude a keda kometé entre 2016/2020.
Lokual ta komprometé Mirosis González i Berioska Sosa ta ku nan a paga empresanan di marketing bastante plaka pa asina nan haña informashon di e míles di hende ku nan por a kometé e chanchuyo di malversá miónes di dòler di gobièrnu.
Den kaso ku si Mirosis González i Berioska Sosa keda kondena ámbos lo por haña entre 6 pa 10 aña di kastigu di prizon.