Malu pa reputashon di Kòrsou….. Casino digital mas grandi di Kòrsou deklará ‘Kaput’

WILLEMSTAD. Awe e proseso legal ku ta andando basta luna kaba den Korte di Hustisia di Korsou a yega na su fin ku e deklarashon di bankarota di e casino despues ku nan a pèrdè e kaso final kontra Stichting Belangenbehartiging Gedupeerden Online Kansspelen.
Den pasiyonan i pa fasilidat korte a kalifika casino komo 1XCorp i ta riba petishon dje fundashon korte a deklara e casino bankarota.
Foi ougustus 2021 a pidi bankarota dje casino pasobra e casino no tabata paga klientenan ku a hunga plaka i a gana.
E klientenan a enkargá e fundashon lokal pa kobra nan plaka i e casino su doñonan no a reakshona i korte a deklarà e casino bankarota.
1XCorp a bai den apelashon kontra e desishon aki pero Korte a deklará ku e apelashon no tin balor.
Prome korte no kier a rekonosé ku e fundashon tabata outorisá pa kobra e casino pa su klientenan pero e fundashon a proba ku nan ta debidamente outorisá pa kobra NAf 1.648.733,11.
Esei ta sin konta otro klientenan ku no a hasi keho.
Resientemente a kumpli ku e petishon pa deklará e casino bankarota i a nombra curator.
Den e kaso aki un kliente su demanda tabata sufisiente pa deklara e casino bankarota.
E fundashon ku e klientenan strañero a kontrata tin dos aña ta hunga ‘deaf and dumb’ i no ta reakshoná riba e reklamonan pa paga.
Simplemente bisá, e casino a stop di paga su debenan.
Asina mes nan a reklama na Korte Supremo kontrola ku e fundashon a kana e pasonan korekto pa pidi e bankarota i a konstata ku Lei di Bankarota di Kòrsou t kubri e kaso aki.
Doñonan dje casino ku ta Ruso, a bin ku tur sorto di argumento pa para e bankarota pero nan a pèrdè tur apelashon.
Loke a kaba di ‘clinch’ e bankarota ta e echo ku e casino sí tabata paga sierto klientenan pero tabata tene otronan atras.