Malkontentu na Sint Maarten pasobra tur trahadó di sektor privá ta bai kai bou di SZV

PHILIPSBURG- Un kantidat di trahadó na Sint Maarten ku semper tabatin seguro privá a protesta kontra e lei nobo kaminda tur hende ku ta gana entre NAf. 67,816 te ku NAf. 120,000 pa aña no ta kontentu ku nan mester kambia pa bai sigura na SZV,
Un di nan reklamonan ta ku nan tin ku bai paga mas prima pa menos kuido mediko di menos kalidat di tersera klas siendo ku nan tabatin nan seguro ku segunda klase serka kompanianan di seguro privá.
Ademas di esei e prima ku nan ta paga pa nan seguro mediko privá ta mas barata di loke nan tin ku bai paga SZV i nan no tin alternativa pa disidi serka ken nan ta buska kuido mediko.
Nan ta sigurá kaba i nan no ta kontento ku gobiernu ta fòrsa nan di bandoná un pakete ku nan ta kontentu kune a kambio di un pakete ku nan no ta kontentu kune.
Reakshon di SZV tabata ku en berdat algun kliente mester paga mas, hopi otro mas lo paga menos.
Un kliente di SZV a informa ku aktualmente e tin un seguro mediko di segunda klase ku ta kubri rònt mundu mientras ku SZV ta ofrese tersera klase i na Sint Maarten so.
Su seguro privá ta kosta 180 florin pa luna pero awor e tin ku bai paga dòbel, 360 florin!
Seguro di SZV ta mas karu ku tersera klase privá mientras ku su seguro internashonal ta kosta muchu menos na St. Maarten.
Klientenan ta mustra ku derecho humano ta nifika ku un hende mester por skohe su mes seguro na lugá ku ta obliga nos pa sigurá na SZV.
E medida ta drenta na vigor aki dos siman i doño di trabou ta retené outomatikamente fin di luna.
Pero e inhustisia mas grandi nan ta haña ku si e kibra un pia na Ulanda su seguro privá ta paga pe pero SZV no ta kubri esei.
Mihó gobiernu a laga nan sikiera ku e eskoho entre e dos seguronan.