Maduro i Petro den promé enkuentro a firma vários akuerdo pa konsolidá relashon

CARACAS – Nicolás Maduro (Venezuela) i Gustavo Petro ( Colombia) a firma a ayera vários akuerdo i tambe esun mas importante ku ta un deklarashon konhunto pa konsolidá relashon binashonal.
E firmamentu di e akuerdonan aki a tuma luga na Palacio de Miraflores na Caracas despues di finalisá un reunion di trabou.
Nicolas Maduro a kalifika e reunion ku Gustavo Petro komo unu fruktífero i ta garantisá ku di ámbos gobiernu lo sòru pa bai uni Colombia i Venezuela den un destino komun.
E parti ku mas ta un prioridat aworakí ta pa Venezuela kuminsá habri kaminda pa su suidadanonan por haña oportunidat pa bolbe nan pais bek sin tin represaya.
Gustavo Petro na su turno a indika ku su gobiernu ta dispuesto pa yuda riba tur tereno pa asina Venezuela por lanta kabes bek manera e tabata ántes promé ku Merka a imponé serie di sanshon kontra e gobiernu di Maduro.
Awor no por tin ningun duda ya ku Gustavo Petro no ta rekonosé Juan Guaido komo presidente di Venezuela.