Internashonal
Maduro a bisa ku Venezuela: Lo bai keda transformá den un potensia eksportadó di alimento
CARACAS – Nicolás Maduro presidente di Venezuela a sigurá ku su pais lo bai keda transformá den un potensia produktor i eksportadó di alimento na nivel global.
Nicolas Maduro a splika ku nan lo bai stòp di dependé solamente di petrolio i lo bai diversifiká nan forma pa hasi negoshi na nivel internashonal.
Gobiernu di Venezuela a kuminsá entrega míles di hèktarnan di tereno na invershonistanan ekstranhero for di Turkia, Iran i Rusia pa kultivá i produsí alimento
na gran eskala pa Venezuela i mundu.
Wilmar Soteldo minister enkargá ku e kartera di Agrikultura na Venezuela a keda apuntá pa realisá vários proyekto grandi ku mester keda konkretisá e aña aki mes.
Nicolas Maduro a splika ku na 2019 Venezuela tabata importá 90 porshento di lokual e pueblo ta konsumí. Pero awor ku tur e proyektonan pa produsí alimento na Venezuela e importashon a baha te na 70%.