Madonna trahando riba su biografia visual “The Queen of Pop”

New York – Durante e programa ‘The Tonight Show’ Madonna a konfirma na Jimmy Fallon ku enberdat e ta trahando riba su autobiografia visual.  Ya tin un tempu kaba ku e kantante a papia di su plannan di un biopic riba bida di e Reina di Pop pero tempu tabata pasa i nada. Segun Madonna kende aktualmente tin 63 aña di edat, na hopi okashon e la keda aserka pa produktornan di sine. E motibu ku awor si e ta bai tuma lugá, ta pasobra tur esnan anterior ku kier a skibi historia di su bida tabata maskulino.

Segun Madonna, e la yega di risibi diferente script di hendenan ku kier a produsi filmashon di su bida. Nan tabata sin entusiasmo, hopi informashon ku nunka a tuma lugá. “Nan no ta kompronde bida di hende muhé, no ta balora nan i no tin respèt pa hende muhé”
Finalmente Madonna no a duna informashon ken si e la konfia pa konta historia di su bida. Ku tempu lo tin mas detaye di e proyekto dje Reina di Pop, Madonna.