Internashonal
Macron a atvertí habitantenan di su pais ku pronto lo no bai tin suministro di gas Ruso
PARIS – Emmanuel Macron presidente di Fransia a manda un mensahe di atvertensia ayera pa e habitantenan di su pais pa nan kuminsá prepará pa otro alternativanan debí ku pronto lo no bai tin suministro di gas Ruso.
Emmanuel Macron a splika ku Rusia ta utilisando gas ku ta keda usa pa energia meskos ku e grano ku ta keda usa pa alimentashon komo un arma di gera.
E konsumo di gas na tur e paisnan den Union Europeo ta haltu debí ku e ta muchu mas barata ku kombustibel komo energia.
Emmanuel Macron a splika ku kosto di bida lo bai subi drástikamente ya ku Vladimir Putin kier kastigá tur e paisnan ku a sanshoná Rusia di nan atakenan kontra Ukrania.
Ya kaba tin planesnan pa otro alternativanan pa suministro di koriente i gas ku ta keda usa diariamente pa miónes di habitante na Fransia.