Macron a anunsiá ku na komienso di 2023 elo ta di gira den Amérika Latina

PARIS – Emmanuel Macron presidente di Fransia a anunsiá ayera ku pa komienso di 2023 elo ta di gira pa vários pais den Amerika Latina.
Durante e Kumbre di GOP 27 presidente Emmanuel Macron a topa i kombersá ku vários di e lidernan iskierdistanan ku ta na poder den Amerika Latina.
Ounke ku no tin fecha eksakto duna ainda tin indikashon ku e gira di Emmanuel Macron lo por kuminsá na komienso di yanüari ya ku Luiz Inacio Lula da Silva a invit’é pa bin na su investidura pa presidensia di Brazil.
Ta parse ku Emmanuel Macron lo bishita Argentina, Brazil, Chile, Colombia i posiblemente Venezuela otro aña. Medionan di komunikashon na Fransia ta informá ku lidernan iskierdista demokrátiko ku ta gobernando den aktualidat manera Gabriel Boric (Chile), Gustavo Petro (Colombia), Lula da Silva (Brasil) i Alberto Fernández (Argentina) tin un dinámika ku Emmanuel Macron tin konfiansa aden.