Lula a yega Argentina pa reuní ku Alberto Fernández

BUENOS AIRES – Luiz Inácio Lula da Silva presidente di Brazil a yega Buenos Aires ayera pa asina reuní ku su kolega Alberto Fernández na Palasio presidensial Casa Rosada.
Ta trata aki di Luiz Inácio Lula da Silva su promé biahe ofisial i ela a keda kompaña pa su kasa Rosângela “Janja” da Silva.
E motibu di Luiz Inácio Lula da Silva su biahe pa Argentina ta pa firma algun akuerdo komersial i bilateral ku gobiernu di Alberto Fernández.
Esaki teniendo kuenta ku eks presidente Jair Bolsonaro no tabata kier a atendé ku gobiernu di Alberto Fernández.
Ayera mes e mandatario Brasileño a pone un ofrenda floral na e monumento di general José de San Martín na Buenos Aires.
E akuerdonan komersial bilateral lo benefisiá Argentina sigur teniendo kuenta ku Brazil tin un ekonomia sólido.
Miéntras ku e akuerdonan komersial bilateral lo pone ekonomia di Argentina krese sigur den e próksimo kuater añanan benidero.
E bishita di Luis Inacio Lula da Silva lo inkluí su asistensia na e Kumbre di CELAC (Comunidad de Estados Latinoamericanos y Caribeños).
Otro mandatarionan ku tambe lo biaha pa Argentina ta Miguel Díaz-Canel, Gustavo Petro, Gabriel Boric, Guillermo Lasso i Luis Arce.
No ta sigur ku Nicolas Maduro lo bai ta presente teniendo kuenta ku tin órden di kaptura internashonal.