Lula a destituí: General Brasileño ku a yuda simpatisadónan di Bolsonaro ku a invadí Palasio presidensial

BRAZILIA – Luiz Inácio Lula da Silva presidente di Brazil a destituí djasabra 21 di yanüari general Júlio César de Arruda ku ta komandante di ehérsito.
E motibu dikon presidente Luiz Inacio Lula da Silva a destituí General Júlio César de Arruda ta debí ku tin prueba di e investigashon ku ela koperá pa laga simpatisadónan di Jair Bolsonaro drenta edifisionan di Palasio Presidensial, Korte Supremo i Kongreso.
Luiz Inacio Lula da Silva a splika ku lokual ku general Júlio César de Arruda a hasi simplemente ta un akto di traishon na patria.
Konsekuentemente lo tin un investigashon andando relashoná ku invashon di e simpatisadónan di Jair Bolsonaro den edifisionan di Palasio Presidensial, Korte Supremo i Kongreso ku lo kulminá pronto.
Miéntras tantu presidente Luiz Inacio Lula da Silva lo no tuma ningun rísiko di pone su bida i miembronan di e gobiernu nobo den man di general Júlio César de Arruda.
Luiz Inacio Lula da Silva a splika ku general Júlio César de Arruda lo bai keda remplasá pa general Tomás Miguel Ribeiro Paiva.