Luiz Inacio Lula da Silva ta eksigiendo pa CNE presente aktanan di elekshon

BRAZILIA – Luiz Inácio Lula da Silva presidente
di Brazil ta eksigiendo di outoridatnan elektoral di Venezuela pa publiká e aktanan di elekshon presidensial ku a keda selebrá dia 28 di yüli último mas pronto ku ta posibel.
Luiz Inácio Lula da Silva a splika ku no ta normal ku CNE (Consejo Nacional Electoral) no a publiká resultado ofisial sertifiká ainda.
Lokual ta importante ne momentunan aki segun Luiz Inácio Lula da Silva ta ku ainda e pueblo no a keda informá ken a gana elekshon presidensial.
Luiz Inácio Lula da Silva a duna di konosé ku su gobièrnu ta bai para firme pa (CNE) Consejo Nacional Electoral atendé ku e situashon mas lihé ku ta posibel.
Sino organisashonnan internashonal lo tin ku bai intervení i pone òrdu na Venezuela.
Lamentabel di e situashon aki ta ku hopi hende inosente ta muriendo bou di òrdu di e régimen burdugu di Maduro.
Pa kolmo e régimen ta kitando koriente i Internet pa medionan di komunikashon lokal i internashonal no por keda informá kiko realmente ta pasando na Venezuela.