Luis Enrique retirá i Luis De La fuente ta tékniko di Spaña

BARCELONA (C) – E tékniko di Spaña Luis Enrique ya no ta tékniko mas .

E notisia aki sigur no ta un sorpresa .

Paso ya kaba ta tin informashonnan ku e no a saka lo máksimo ku e tin for di e generashon talentoso.

E mundial a kuminsá bon pa nan ora ku nan a sali golia Costa Rica.

Despues empatá ku Alemania i pèrdè kontra di Japon i último aki kontra di Maroko.

Ta tin yen talento pero e ta preferá di keda usa su suegro Ferran Torres i tambe Sergio Busquets i Pedri.

Anto e wega di Tiki Taki no a hasi masha kos.

Pues dominio so den medio kampo pero nada di kaba e wega .Tur esaki por tin di haber ku e presentashon di e selekshon den mundial kaminda nan a keda eliminá den e oktavo final pa medio di pena máksimo.
E federashon ta gradisí e tékniko Luis Enrique pa su trabou pa loke ta trata último añanan .
E federashon a entrega e rapòrt na e presidente kaminda nan ta papia di un proyekto nobo kual nan lo bai kuminsá kuné.

E ekipo di Spaña na 2010 ta kampion mundial.

Pero ya kaba na 2014 ela keda eliminá for di e promé buèlta. Anto for di 2018 te ku 2022 e selekshon di Spaña no a yega ma leu ku oktavo final