Lo ultimo di atentado kontra periodista Peter de Vries

AMSTERDAM. Despues dje gran shock ku e atentado kontra e periodista di kriminalidat Peter R. de Vries a baha poko ta manera outoridatnan a dekretá un silensio mediatiko tokante e situashon dje periodista.
Reina Maxima a deklara ku Kas Real ta rabiá pa loke a pasa
despues ku a tir’é den un kaya di Amsterdam ora ela Sali un programa di televishon.
Ofisialmente polis a arestá tres persona pero a laga nan bai.
Dos di nan ta di Gelderland di 20 i 30 aña.
Miones di hende na Ulanda ta sigiendo kualke desaroyo nobo den e drama aki ku a pone alkalde di Amsterdam deklará ku un kos asina no ta aseptabel den e siudat.
Di otro banda e periodista tin un grupo selekto di enemigu masha peligroso pero e no a basila pa hasi su trabou manera ela hasi semper enfrentando kriminalnan hasta kaminda polis a faya.
Mientras tantu tin komandonan malamente armá ta protehá e hospital kaminda e periodista ta bou di tratamentu i luchando pa su bida.
Awe mainta a informa ku a arestá un hoben di 21 aña tambe di Rotterdam.
Un dje otro sospechosonan ta un Polako kende siman pasá a keda arestá kaba un ratu pasobra ela menasa hende.
Por lo demas ningun hende no sa nada pakiko a purba mat’é: de fakto tur hende sa pakiko pero ningun hende ta tribi bisa.