Lider di grupo Taliban: A manda mensahe pa Merka pa nan no mete den desishonnan tuma na Afganistan

KABUL – Zabihullah Mujahid bosero di gobiernu Taliban a manda un mensahe di atvertensia pa atministrashon di Biden pa nan no pensa mes pa bin interferí den nan desishonnan interno tuma.
Zabihullah Mujahid a splika ku gobiernu merikano mester stòp di interferí den nan asuntunan interno i no buska manera mes pa bolbe purba di bin trata na instalá un base militar den nan pais.
Gobiernu merikano a presentá krítikanan fuerte kontra desishonnan di Talibannan ku ta prohibí muhénan Afgano traha den organismonan gubernamental.
Zabihullah Mujahid a splika ku institushonnan ku kier opera na Afganistan ta obligá na kumpli ku normanan i reglamentonan di aktual gobiernu.
Mulá Abdul Ghani Baradar lider máksimo di Talibannan a tuma su desishon ku ta suspendé tur laso ku Nashonnan Uni i ku tur representante mester bandoná nan pais di inmediato.
E desishon aki tambe atministrashon di Biden tabata kontra pa motibu Nashonnan Uni ta na Afganistan pa
sòru pa muchanan i muhénan no keda maltratá i sufri di hamber.