Internashonal
Legendario aktor James Caan (82) a fayesé
LOS ANGELES – Matt DelPiano agente di Hollywood ku tabata representa e legendario aktor James Caan (82) a konfirmá ku ela fayesé e siman aki.
James Caan a kuminsá su karera komo aktor di Hollywood den dékadanan 60 i tabatin éksito di inmediato. Matt DelPiano a splika ku James Caan tabata un di e mihó aktornan ku Hollywood a yega di konosé.
Ta p’esei e tabata skohe su pelíkulanan ku tabatin aktornan i aktrisnan di renombre manera Marlon Brando, Al Pacino, Barbara Streisand, Robert Duvall, Diane Keaton, John Wayne. James Caan a hunga den aproksimadamente 69 pelíkula entre algun di nan ta The Godfahter, El Dorado, The Thief, Misery, Funny Lady etc.