Lebron 16, Wade 15, pa loke ta e showdown…. James ta gana Wade den nan delaster wega

LOS ANGELES, (ND).— LeBron James ku Dwyane Wade a topa otro na 30 okashon, promé ku e wega ayera. Ayera lo tabata e delaster biaha ku nan lo enfrentá otro ya ku Wade a anunsiá ku e lo retirá despues di e temporada aki. Wade a gana 15, LeBron 15, pero ayera The King a pone tur kos na su fabor i a bai ku e viktoria. Tabata un tremendo enkuentro kaminda e fanatikada a gosa di e showdown entre Wade i LeBron. LeBron James a terminá e wega ayera ku 28 punto i Wade tabatin 15. Kyle Kuzma tabatin 33 punto pa Lakers miéntras ku pa Heat, Justise Winslow a terminá ku 28 punto.