Internashonal
Lavrov ta alerta Nashonnan Uni ku: Merka i Union Europeo no ta kumpli ku promesa pa yuda fasilitá grano di Rusia yega na otro paisnan
MOSKU – Serguéi Lavrov minister enkargá ku relashonnan eksterior di Rusia a alerta Nashonnan Uni ku Merka i paisnan den Union Europeo ta stroba Rusia fasilitá paisnan ku tin nesesidat di grano.
Den e kaso aki segun Serguéi Lavrov via sanshonnan Merka i paisnan miembronan di Union Europeo ta impedí Rusia entrega barkunan yena di grano pa asina aliviá e krísis alimentario mundial.
Serguéi Lavrov ta splika ku Merka ta preferá pa mantené preis di grano haltu pa asina nan ta sigi hasi negoshi ku Ukrania.
António Guterres na su turno a sigurá ku via Nashonnan Uni ku ta bai buska manera pa pone preshon riba Merka
i paisnan di Union Europeo pa kita e sanshonnan kontra Rusia ku laga nan tambe fasilitá paisnan den nesesidat ku grano.
Serguéi Lavrov a bisa ku preis di alimento ta sigi haltu no pa falta di e gera entre Rusia i Ukrania sino pa falta di Merka i paisnan den Union Europeo.