“Lando” Chirino, Scout, “Coach” i Dirigente: “Pa Yega “Big League” bo mester ta kompleto”…

Rolando, “Lando” Chirino tin un trayektoria di basta aña den baseball.

Despues di hunga baseball e la kuminsá ku preparashon di mucha.
E la traha den Little League i tambe den sòftbòl femenino fastpitch.

Chirino despues a bira scout tambe di baseball di Grandes Ligas i tin vários aña ku Los Angeles Dodgers.

Chirino den kombersashon ku 5 Star a bisa ku pa yega Grandes Ligas e pelotero ku firma mester ta kompleto.

“Bo mester tin hopi dedikashon.

I hopi disiplina.

Hopi deseo ta train i traha duru tur dia. Yega Grandes Ligas no ta fásil. Bo mester ta e pakete total.

Anto huntu ku esei spera tambe ku suerte ta huntu kubo”, asina e yu di “Ronny’Grazy Glue”a deklará na 5 Star.

Lando tin vários pelotero firmá. Un di nan ta Kenley Jansen. Cedanne Rafaela a hunga den Organisashon Tra’i Seru.

Tambe e tin Mario Martinus.