“Lando” Chirino: “Cedanne a keda mes humilde”…

Rolando, “Lando” Chirino ta na Los Angeles kaminda el a reuní ku e personal di scouting di Dodgers. Mas di 25 scout di Dodgers di tur parti di mundu a reuní na Los Angeles kaminda nan a probechá pa mira e All Star Game Di Futuro i tambe esun di ayera nochi den stadion di Dodgers.

E pelotero YDK Cedanne Rafaela ku ta prospekto di Red Sox a hunga den e All Star di Futuro. El a hunga den shòrt i bai di 2-0. Chirino a kombersá basta ku Cedanne ku a pasa den e organisashon di Tra’i Seru. E ta bisa ku Cedanne a keda humilde, i ku dos pia riba tera. E speransa ta ku e lo yega leu den baseball. E ta bon motivá i ta traha duru tur dia, asina Lando Chirino a deklará.