Ladronnan a drenta Misa katóliko di Brooklyn i hòrta artefakto religioso balorá na $2 mion

NEW YORK – Outoridatnan na New York ta investigando e robo di un artefakto religioso balorá na mas di $2 mion for di un iglesia katóliko na Brooklyn.
E artefakto baña den oro puru di 18 kilate a disparsé na e iglesia katóliko St. Augustine na Park Slope.
Ta trata aki di e artefakto ku pastor di e iglesia ta warda hostia ku aparentemente tin mas ku 100 aña di eksistensia.
Tin un investigashon andando i segun investigadornan e sospechosonan lo ta e trahadónan ku ta hasiendo trabou di rekonstrukshon na e Iglesia.
E ladronnan di e artefakto religioso aki sa su balor debí ku nan ta na altura di e balor di e artefakto religioso aki.
Frank Tumino pastor di iglesia katóliko St. Augustine a deklará ku lokual a pasa aki ta un falta di rèspèt total i ku ta spera ku esnan ku a hòrta e piesa balioso aki trese bek boluntariamente.