Ladron a sali será na Kòrsou bai komete dos robo di yabi di joyeria na Appingedam

WILLEMSTAD. Resientemente un tribunal na Groningen a kondená un Kurasoleño di 34 kende a hòrta yabinan di
dos joyeria dos biaha na Top Naeftlaan Ulanda durante atrakonan violento i brutal.
Ela kibra drenta kas dje joyera bai ku tur bòshi di yabi i vitrina dje joyería i a kousa un desaster ku un outo ku ela hòrta pa plama den e vitrina pa por a yega ne prendanan.
E atrako a tuma lugá dia 27 di mei aña pasá den kas dje joyera di 67 aña na Top Naefflaan den sentro dje siudat pa hòrta e bòshi di yabi.
E señora tin dos joyeria na Sneek i Groningening pero te bòshi di yabinan e tabata buska ku yabi di kas di su mama i e dos joyerianan.
“E TABATIN
UN PLAN”
E señora a konta polisnan ku e tabata sa kon e homber la bin paden pasobra su kas no ta na bista di publiko i na di shete piso.
E muhé a spièrta 3’or di marduga i a sinti e homber drumi riba dje i asina mes ela bringa bèk i den su desesperashon ela grita pa no hasié nada pasobra e stim’é riba kual e homber a hui via porta dilanti,
“Si mi mester skohe entre haña kanser di nobo of sufri e violasshon aki lo mi skohe pa bolbe haña kanser”, asina e señora komenta.
Asina mes ela sufri basta leshon na man dje abusador kriminal pasobra e ladron a kibra varios repchi i su pulmon a klap sera.
Riba bata di drumi dje muhé i bou di su uña nan a haña DNA dje homber i sigiendo pistanan di telefon polis a saka afó ku te anochi ei ela biaha di Appingedam pa Groningen.
E kriminal kurasoleño a hura te na morto ku e no a hasi algu.
DAÑO PERWISIO
Den korte e viktima a lesa su deklarashon pa pidi daño perwisio i ela pidi 102.000 Euro di kual 75.000 di entrada Ku ela pèrdè.
E abogado a pidi prueba pasobra e prueba ta muchu swak. Ademas e suma di daño perwisio tambe tabata eksagerá pero fiskal a traha balchi di su defensa indikando ku si e atrako no a tuma lugá e señora lo no tabatin e gastunan en kuestion.
E kurasoleño ta èks kliente di Bon Futuro kaminda ela sinta 18 luna i manera ela sali liber ela bai Ulanda pa sigi su karera kriminal i nan ta lag’é drenta sin chèk su antesedentenan.
E señora a muda pasobra promé ku esei tabatin kiebro den su kas.
E atrako kriminal a sosode dia 27 di mei aña pasá ora e kriminal a bula riba dje i a kuminsa dal i skòp e viktima.
Nan a transporte ku diferente leshon serio pa hospital.
Segun e viktima ta dos homber a tira atrako riba dje i fiskal a kalifiká e kaso un pesadiya. Su bida ta riba su mes i konhelá pasobra e trouma ta enorme.
Abogado dje kriminal a pidi pa su libertat pasobra no por proba ku tabatin bòshi di yabi.