Kuarteto ku kier a bende Refineria kondená atrobe

WILLEMSTAD. Korte di Hustisia Komun ayera a dikta sentensia kontra e kuater personanan envolvi den e intento di korupshon durante búskeda di un partner pa eksplotá Refineria Kòrsou.
Korte a duna tur kuater más kastigu ku Ministerio Publiko a pidi.
Djis pa refreská memoria: e promé detenshonnan a kai na yuni di 2019 den kuadro di e investigashon “Lacerta” ora ku agentenan di e tim antikorupshon TBO i RST a arestá e èks direktor di Refineria di Kòrsou, Roderick van Kwartel i e èks konsultent di RdK, Ashely Isidora. Despues a sigi detenshon di Gilbert Cijntje i Michèle Kinburn.
Nan tabata forma parti dje tim ku mester a buska un sosio pa sigi ku eksplotashon di nos refineria, proseso ku ta birando Mission Impossible.
Na tal okashon gobiernu di Kòrsou a hasi denunsia di korupshon.
E verediktonan ku a kai ayera ta pasobra fuera dje proseso di negosha un