Kuantu mas hende drechi ku a laborá pa e Pais Korsou aki tin di sinta warda

WILLEMSTAD. Durante pandemia di Covid a skohe pa para tur operashon ku sigun eksperto no tabata di urgensia, lubidando ku na Korsou ya hopi hende su oportunidat di hasi un of otro operashon tabata lat pa hopi.
Entre tantu e grupo di persona ku a i ta warda mas ku 2 aña pa operashon di nan bista/wowo i/of katarata situashon a bai atras.
Nos a perde dokternan di wowo ku a fada i bai laga Korsou pa por sigui kumpli ku nan balor ya ku aki ta hunga ku salú i bida di hende.
Hospital ta indika ku aparato pa opera tin di bin Korsou, ora ku porfin e aparato a bin Korsou ela daña.
Otro hospital ta tin operashon pero limita.
Jacintha Constansia a kompronde ku kuido ta igual pa tur hende, sinembargo ta splika ku no tin aparato, no tin plaka , no tin luga pa drumi, no tin speshalista enfin e problema a bira mas grandi.
Constansia a puntra su mes kual momento ken su bida ta importante, ken ta responsabel i si realmente e grandinan lo haña burt of ainda pandemia no a kaba?
E ta puntra su mes kuantu mas?
Kuantu mas hende drechi ku a labora pa e Pais Korsou aki tin di sinta warda..
Famianan tin di purba sera plaka bai afo ku nan ser keri pa wordu opera, ya ku na Korsou no tin otro alternativa di keda warda i bira siegu?