Kuadro di Marilyn Monroe pinta pa Warhol a bende pa $195 mion

NEW YORK – Un kuadro di Marilyn Monroe ku a keda pinta pa Andy Warhol titulá “Shot Sage Blue Marilyn” a bende ayera pa e kas di vindishi Christie’s pa un suma astronómiko di $195 mion.
Eks doño di e kuadro di Marilyn Monroe ta un magnate di nòmber Ammann i segun fuentenan di e kas di vindishi Christie´s e fondonan di benta lo bai pa diferente organisashonnan karikativo.
Nòmber di e kolekshonista ku a kumpra e kuadro aki no a keda revelá pero si mester bisa ku awor e kuadro di Marilyn Monreo ta e arte di mas karu den historia.
E kas di vindishi Christie´s tabatin 36 piesa di arte ku nan a bende ayera i nan ingreso a surpasá $1.000 mion.