Kua ta e frutanan di Spiritu Santu?

Henry Vargas Holguín
Tradishon di Iglesia ta registrá 12

“Frutanan di Spiritu ta perfekshonnan ku Spiritu Santu ta forma den nos komo e promé frutanan di gloria eterno. Tradishon di Iglesia ta registrá diesdos di nan: “Karidat, húbilo, pas, pasenshi, amabilidat, bondat, generosidat, suavidat, fieldat, modestia, dominio propio i castidad”’ (Galatanan 5, 22-23)” (Katisashi, 1832).
Nan ta frutanan ku Spiritu Santu ta den bida di e kristian a lo largu di su bida despues di a risibí su 7 donnan, donnan ku ta ser risibí, huntu ku e virtutnan teologal, den e sakramento di boutismo; donnan ku ta ser oumentá ku e sakramento di konfirmashon (Katisashi, 1302), duná den plenitut.
E kristian ta manera palunan, ora nan ta hechu nan lo duna su frutanan; pasobra ta na e fruta ta konosé e palu (Mt 12, 33). Ora palunan ta hechu nan lo duna algun fruta ku no ta zür, sino dushi i bon na bista.
Santunan ta esnan ku a sa na tuna e frutanan akí i a sa na praktiká e virtutnan kardinal (prudensia, hustisia, fortalesa, moderashon). Paga tinu, no mester konfundí e frutanan akí ku e eksperensia di balornan humano.
Laga nos mira awor den kiko e dicho frutanan ta konsistí:
1. Amor òf karidat
Esun ku duna e fruta aki ta laga mira Kristu den su bida; e ta esun ku ta permití Kristu aktua den su bida (Ga2, 20). Si falta amor no por haña ningun akshon sobrenatural, ningun mérito pa bida eterno, ningun berdadero i felisidat kompleto.
2. Alegria òf húbilo
Ta e fruta ku ta prosedé naturalmente di amor; e ta manera e lus di solo, òf e perfume di e flor, òf e kalor di kandela. E alegria akí no ta paga mei mei di problemanan; tur lo kontrario, e ta krese i ta fortalesé mei mei di nan, pues e ta bira mas nesesario ku nunka. Ora e ta den komunion ku Dios amor, e persona ta felis; i e ta buska tambe pa hasi otronan felis. E ta un alegria ku ta superá tur goso fundá den karni òf den kosnan material.
3. Pas
Pas ta e perfekshon di alegria, pasobra e ta suponé goso di e opheto stimá. E “opheto” stimá, pa ekselensia, no por ta otro sino Dios, i di einan, e seguridat di pas ku ta brota di tin Dios den kurason. Pas ta laga nos ta personanan trankil i ta mantené e alma den poseshon di un konstante alegria apesar di tur kos.
4. Pasenshi
Esun ku ta duna e fruta akí, ta superá konfushonnan ku ta impliká e lucha permanente kontra enemigunan di e alma i su forsanan invisibel i visibel. Tambe e ta fasilitá un enkuentro armonioso ku e kriaturanan ku kua nos ta relashoná. Pasenshi ta hasi nos kristian ku sa na kontrolá i impedí pa nos ta rabiá òf vengativo. E fruta akí ta yuda na superá tristesa i ta impedí ku nos ta keha dilanti problemanan i sufrimentunan di bida.
5. Amabilidat
Amabilidat ta mesun kos ku kurashi òf ánimo den difikultatnan ku ta oponé na e bon; e ta un ánimo sobrenatural pa konsebí i ehekutá obranan di e bèrdat. E fruta akí ta permití e kristian sa na spera akshon di e Divino Providensia, ora e ta mira ku, segun e lógika humano, kumplimentu di su plannan ta retrasá. E ta un fruta ku ta permití mantené nos perseverante dilanti difikultatnan.
6. Bondat
Ta un disposishon permanente na indulgensia i na afabilidat. E ta un fruta ku ta yuda nos na ser gentil i ta yuda na defendé e bèrdat sabiendo ‘diskutí’. E ta duna un dulsura espesial den trato ku otronan. E ta un gran señal di santidat di un alma i di e akshon den dje di Spiritu Santu.
7. Generosidat
Ta e forsa ku ta yuda nos na okupá nos mes di e próhimo i benefisié. E ta manera konsekuensia di benignidat pero di manera mas skèrpi den esun ku ta sufri i mester di yudansa. Esun ku ta duna e fruta akí no ta kritiká di forma dañino i tampoko ta kondená otronan; es mas, e ta yuda na sana na