Ku un atake di 16 hit: Kwartier Star/Mangusa a dal Cats 14-9…

Quinsley Balentien a dal homerun, i empuhá 3 kareda, miéntras ku Marlison Brunken i Drexler Macaay tambe a bati homerun den un atake di 16 hit pa e tim di Carlos Pineda i Jorge de Lira gana di Cats 14-9.

Zairich Daal a tura 6 inning, permití 1 hit i 1 kareda pa logra e triunfo.

Geriyon Jakob a habri pa Cats i tuma 6 kareda den 1.1 di inning, Gavanee Virginie ku a sigui despues tambe a tuma 7 kareda. Marlison Brunken tambe tabatin un bon dia ofensivo pa su klup ku homerun i 3 empuhá.
Pa Wild Cats Raysheandel Michel a bati di 5-2, ku 4 kareda empuhá. Randy Kirindongo tambe a empuhá 2 kareda pa Cats.