Ku su di 28 Salbá: Kenley di 9 entre mihónan di tur tempu..

E YDK Kenley Jansen tin sin duda un lugá sigurá den “Hall of Fame” di baseball Grandes Ligas.

Kenley den e wega di djaweps di Bravos di Atlanta a yega na su wega salba 28 di temporada.
Esei ta pone ku Kenley Jansen a yega na 378 “Save” di tur tempu i ta na di 9 lugar riba e lista di relevistanan ku mas wega salbá den historia di baseball Grandes Ligas.
Kenley tin aktualmente 34 aña di edat.

E la tira 750.1 di inning den Grandes Ligas i poncha 1.082 batido. Su rekòrt ta di 42-26 ku efektividat di 2.42.

No tin duda ku Kenley tin su lugá sigurá den Salon di Fama.

Fuera di un tremendo karera, Kenley tin tremendo personalidat tambe.