Ku su di 10 titulo di kampeon di Kòrsou: Dimitri Leon ta empatá Rekòrt di Robert Hosé…

Dimitry Leon, yu di nos amigu Sergio Leon a logra pone man riba su di 10 titulo di kampeon di Kòrsou di e deporte di Pin Pon. Dimitri Leon a gana den e final individual di Kòrsou di Peter Wong pa asina korona sumes kampeon di Kòrsou single pa di 10 biaha den un lapso di 13 aña.

Ku e gran triunfo aki, Dimitri ta empatá e rekòrt di 10 titulo ganá ku tabata riba nòmber di e hungadó di pin pon di mas grandi di nos di tur tempu ku ta Sr. Robert, “Joy” Hosé.

Deporte 5 Star ta manda un pabien grandi naturalmente pa Dimitri Leon ku ta konsagrá sumes komo un di esnan di mas grandi di tur tempu den nos pin pon lokal.