Ku primisia sorpresivo….. Konseho di Minister ta publiká resultado di desishon riba prison

WILLEMSTAD. Desishonnan relashoná spesífikamente ku asuntunan di pais riba nivel nashonal di djárason, 17 di ougùstùs 2022:
Relashoná ku e dokumento tokante e trayekto pa optimalisá Sentro di Detenshon i Korekshon Kòrsou (SDKK), Konseho di Minister a bai di akuerdo pa:
lanta un grupo di trabou SDKK ku tin diferente tareanan manera menshoná den e dokumento;
hasi un analisashon finansiero di e gastunan médiko di e detenidonan, kaminda ministerio di Hustisia ta responsabel pa kubri tur gastu mará na esaki;
revisá huntu ku SVB e lei di kuido di seguro básiko.
Minister di Hustisia ta responsabel pa adaptá e dekreto nashonal den konsepto.
Tambe Konseho di Minister ta bai di akuerdo ku e proposishon pa lanta un grupo di guia i tarea enkargá ku tareanan dje trayekto pa optimalisá servisio di seguridat di Kòrsou.

(Aki ta di asumi ku konseho di minister ta referi na èks VNA: red).
Minister di Hustisia ta responsabel pa konsipiá un dekreto nashonal.
Tambe a bai di akuerdo pa lanta un grupo di trabou enkargá ku e maneho pa pèrmití gruponan spesial (Toelatingsbeleid Bijzondere Groepen), ku lo konsehá e ministernan tokante dunamentu di pèrmit na algun estranhero ku sierto ekspertisio (konosementu i eksperensia) pa por drenta Kòrsou.

Di e forma akí alabes a bai di akuerdo ku e dokumento presentá.
Areglo ministerial tokante Makutu Básiko 2022 tambe a keda aprobá.