Krisis i falta di Patriotismo den enseñansa di Fundeshi

WILLEMSTAD. “Akademia Popular Errol Scoop”/APES, e ala di formashon emansipatorio di “Movementu Kousa Promé”, djaluna 6 di sèptèmber último tabatin su di dos lès den e siklo di formashon emansipatorio titulá: “Patriotismo, un wes’i lomba pa e yu di Kòrsou Nobo”.
E lès aki tabata na enkargo di señora Indira Boelbaai, èks dosente i èks kabes di skol ku mas di 40 aña di eksperensia den enseñansa.
Na un manera kla, bibu i dinámiko señora Boelbaai a elaborá e tema “Patriotismo den enseñansa di fundeshi” i a pone atenshon riba diferente aspekto importante di patriotismo relashoná ku enseñansa.

Saliendo for di enseñansa di fundeshi señora Boelbaai a enfoká riba síntomanan ku ta indiká falta di patriotismo serka hóbennan, manera falta di rèspèt i interes, aktitut destruktivo i delinkuente.
Di otro banda tin hopi hóben ta move positivamente den