Korte Supremo na Colombia” A aprobá ekstradishon di ruman di Piedad Córdoba pa narkotráfiko

BOGOTA – Wes Myriam Ávila Roldán di Korte Supremo di hustisia na Colombia a aprobá ekstradishon pa narkotráfiko di Álvaro Córdoba kende ta ruman di senadora Piedad Córdoba.

Álvaro Córdoba ta keda buska pa outoridatnan merikano pa trafikashon di vários tonelada di kokaina pa e distrito di New York.

Den e kaso aki outoridatnan na Medellin a detené Álvaro Córdoba na su luhoso residensia dia 2 di Febrüari último.
Abogadonan di Álvaro Córdoba a trata na para e ekstraditashon pero den e kaso aki prome ku eks presidente Ivan Duque a entrega poder ela firma e dokumentonan di ekstraditashon.

Wes Myriam Ávila Roldán a deklará ku fiskal general a presenta ku sufisiente prueba ku Álvaro Córdoba huntu ku e trafikante Gentil Duarte tabata manda droga i importá arma di un forma ilegal pa geriya Colombiano.

Esaki ta nifiká ku si un dia Álvaro Córdoba kaba di sinta su kondena na Merka i manera e yega Colombia e tin ku bai será pa e krímennan ku ela kometé den e país.