Internashonal
Korte Supremo di Sri Lanka ta prohibí rumannan di eks presidente Rajapaksa sali
COLOMBO – Ayera wes Jayantha Jayasuriya di Korte Supremo di hustisia na Sri Lanka a duna òrdu pa kita pasaporte di e dos rumannan di eks presidente Sri Lanka i asina evitá ku nan lo por sali for di pais. Ta trata aki di eks prome minister Mahinda Rajapaksa i eks minister di Finansas Basil Rajapaksa.
E motibu dikon wes Jayantha Jayasuriya di Korte Supremo a ordená e dos ministernan di bandoná pais ta debí nan ta esnan responsabel di e krísis ekonómiko devastador ku tin na Sri Lanka.
Wes Jayantha Jayasuriya a ordená pa bini un investigashon interno i ku mester haña delaster detaye prome ku dia 28 di Yuli próksimo. E rumannan Rajapaksa durante un bon periodo tabata dominá den polítika na Sri Lanka pero nan nepotismo a demostrá ku tabata malversá mas enbes di yuda e pueblo.