Deporte
Korte Superior di Bogota: A duna òrdu pa Gustavo Petro i Rodolfo Hernández asistí na un debate presidensial
BOGOTA – Ayera Wes Luis Guillermo Pérez di Korte Superior di Bogota a duna òrdu pa kandidatonan presidensial Gustavo Petro i Rodolfo Hernández organisá un debate den 48 ora.
Wes Luis Guillermo Pérez a splika ku Gustavo Petro i Rodolfo Hernández mester asistí na un debate prome ku e fecha di elekshon presidensial tuma lugá.
E debate mester ta kara kara i ku lo mester keda pasa enkadena na Televishon, Radio i Retnan Sosial pa tur suidadano Colombiano por wak pa ken nan lo tin ku bai vota.
Ta parse ku debate kara kara aki mester a keda organisá despues di e prome buèlta pero Gustavo Petro a bula un pipa pa no topa ku Rodolfo Hernández.
Den un debate kara kara kada kandidato lo trese su plan di gobernashon dilanti pa asina e suidadano Colombiano por haña un motibu dikon elo tin ku bai depositá nan konfiansa riba nan dia 19 di yüni próksimo.
E elekshon presidensial na Colombia aki lo bai ta unu bastante pèrta segun último sondeo realisá.